www.buddhikapathirana.com    

ස්කයිප් මගින් බුද්ධික අමතන්න

My status

බුද්ධික පතිරණ පාර්ලිමේන්තු කථා

 

 
 

ඔබේ සහයෝගය දක්වන්න

 

---------------------------------------------------------------------------------------------------------------------------------------

එක්සත් ජාතික පක්ෂයේ

නිල වෙබ් අඩවිය

 
 
 

දැක්ම ::..

 
  අපගේ ප්‍රජාවන් දැනුමෙන්, සෞඛ්‍යයෙන් හා මානව ගුණධර්මයන්ගෙන් පෝෂණය කරමින් පරිපූර්ණත්වයට පත් කිරීම.  
     
 

මෙහෙවර ::..

 
  සමාජය කෙරෙහි ඇති සිය වගකීම් හා යුතුකම් පිළිබඳව සෑම මිනිසෙකුම දැනුවත් කිරීම.  
     
 

දේශපාලන ගමන් මග (සිදුවීම්වල වැදගත්කම අනුව පෙළගස්වා ඇත.) ::..

 
 

පාර්ලිමේන්තු මන්ත්‍රී

 

තරඟ කළ මුල්ම පාර්ලිමේන්තු මැතිවරණය වූ 2010 අප්‍රියෙල් 08 පැවති මැතිවරණයේදී එක්සත් ජාතික පක්ෂය නියෝජනය කරමින් මාතර දිස්ත්‍රික්කයෙන් පාර්ලිමේන්තුවට තේරී පත්විය. එහිදී මනාප ඡන්ද 62,499 ක් ලබාගනිමින් මාතර දිස්ත්‍රික්කයෙන් ප්‍රථම ස්ථානයට පත්විය. 2010 පාර්ලිමේන්තු මැතිවරණයේදී එක්සත් ජාතික පක්ෂයෙන් 7 වැනි පාර්ලිමේන්තුවට තේරී පත් වූ මන්ත්‍රීවරුන් 60 දෙනා අතරින් සමස්ත ශ්‍රී ලංකාවෙන්ම දෙවැනි ස්ථානයට වැඩිම මනාප ප්‍රතිශතය ලබා ගන්නා ලදී.

පාර්ලිමේන්තු උපදේශක කාරක සභා සාමාජික

 

ප්‍රධාන පෙළේ උපදේශක කාරක සභා 14 ක සාමාජිකයෙක් වන අතර ඒවා අතරට ආර්ථික සංවර්ධන, වරාය හා ගුවන්සේවා, ධීවර හා ජලජ සම්පත්, රාජ්‍ය ආරක්ෂක යන වැඩි වැදගත්කමකින් යුත් අමාත්‍යාංශ අයත් වේ.

විපක්ෂ නායක - දකුණු පළාත් සභාව

 

2009 ඔක්තෝබර් 10 පැවති පළාත් සභා මැතිවරණයට තරඟ වදිමින් දකුණු පළාත් සභාවට තේරී පත් විය. මනාප ඡන්ද 57,802 ලබාගනිමින් මාතර දිස්ත්‍රික්කයේ වැඩිම මනාපලාභියා විය. දකුණු පළාතේ ප්‍රධාන පක්ෂයන්හි අපේක්ෂකයෙකු වාර්තා කළ වැඩිම ඡන්ද ප්‍රතිශතයටද ඔහු හිමිකම් කියන ලදී. ශ්‍රී ලංකාවේ පළාත් සභාවකට පත් වූ ලාබාලතම විපක්ෂ නායකවරයා ලෙස වාර්තාවක් පිහිටුවීම ද සුවිශේෂී සිද්ධියකි.

එක්සත් ජාතික පක්ෂයේ තීරණ ගැනීමේ ඉහළම අධිකාරිය වූ එහි කෘත්‍යාධිකාරී මණ්ඩලයේ ලාබාලතම සාමාජිකයා ලෙස 2009 නොවැම්බර් මස සිට 2011 අප්‍රේල් මාසය දක්වා කටයුතු කළේය.

ශ්‍රී ලංකාවේ විශිෂ්ඨතම යොවුන් දේශපාලනඥයා ලෙස, 2006 වසරේදී “TOYP සම්මානයෙන්” පිදුම් ලැබීය.

එක්සත් ජාතික පක්ෂයට අනුබද්ධ ශිෂ්‍ය සංවිධානය වූ එක්සත් සමවාදී ශිෂ්‍ය පෙරමුණෙහි මාතර මැතිවරණ කොට්ඨාශයේ ප්‍රධාන සංවිධායකවරයා ලෙස 1991 දී පත් වූ අතර 1995 වසර තෙක් එම තනතුර හෙබවීය.

1992 සිට 1995 දක්වා සහ 2004 සිට මේ දක්වා එක්සත් ජාතික පක්ෂයේ ජාතික විධායක කමිටුවේ සාමාජිකයෙකි.

TNL රූපවාහිනියේ ප්‍රවෘත්ති සම්බන්ධිකාරකවරයෙකු ලෙස කටයුතු කිරීම හේතුවෙන් 1995 අගෝස්තු මස 22 වැනි දින සිට දේශපාලන කටයුතුවලින් සම්පූර්ණයෙන්ම ඉවත් විය.

ඉන්පසු, යළිත් මාධ්‍ය ක්ෂේත්‍රයෙන් ඉවත්ව 2004 ජුලි මස 10 වැනි දින පැවති පළාත් සභා මැතිවරණයට ඉදිරිපත් වී තමන් තරඟ කළ ප්‍රථම මැතිවරණයෙන්ම මනාප ඡන්ද 44,165ක් ලබාගනිමින් දකුණු පළාත් සභාවට තේරී පත් විය. එම මැතිවරණයට ඉදිරිපත් වූ සියළුම පක්ෂවල සියළුම අපේක්ෂකයන් අතරින් සමස්ත දිවයිනෙන්ම වැඩිම මනාප ප්‍රතිශතය ලැබීය.

 
 

2004 සිට 2009 දක්වා එක්සත් ජාතික පක්ෂයේ දකුණු පළාත් මාධ්‍ය ලේකම් ලෙස කටයුතු කළේය.

2005 සිට අද දක්වා අකුරැස්ස මැතිවරණ කොට්ඨාශයේ එ.ජා.ප. ප්‍රධාන සංවිධායක හා කොට්ඨාශ බල මණ්ඩල සභාපති ලෙස කටයුතු කරයි.

 
 

2004 වසරේදී පළාත් සභා මන්ත්‍රීවරයෙකු ලෙස තේරී පත් වී වසරක් ඇතුළත එක්සත් ජාතික පක්ෂයේ පහත දැක්වෙන කමිටුවල සාමාජිකයෙකු ලෙස පත් කරන ලදී.

 

සැලසුම්, පර්යේෂණ සහ අධ්‍යාපන කමිටුව

තරුණ අනු කමිටුව

මාධ්‍ය අනු කමිටුව

විශ්වවිද්‍යාල අනු කමිටුව

එක්සත් ජාතික පක්ෂයට අනුබද්ධිත ජාතික සෞඛ්‍ය සේවා සංගමයේ මාතර දිස්ත්‍රික් සභාපති

රුහුණු විශ්ව විද්‍යාලයේ අධ්‍යයන, අනධ්‍යයන කාර්යමණ්ඩල හා ශිෂ්‍ය සම්බන්ධීකාරක ලෙස පක්ෂය නියෝජනය කරයි.

2004 දී පැවති එක්සත් ජාතික පක්ෂයේ 50 වැනි ජාතික සම්මේලනය ඇමතූ මාතර දිස්ත්‍රික්කයේ ප්‍රථම සහ එකම තරුණ නායකයා ඔහුයි.

2005 ජනාධිපතිවරණයේදී එ.ජා.ප. අපේක්ෂක ගරු රනිල් වික්‍රමසිංහ මහතාගේ මැතිවරණ ව්‍යාපාරයේදී මහජන රැළි ඇමතීමට හා රූපවාහිනී සංවාද සඳහා සහභාගි වීමට තෝරාගත් කථිකයන් 20 දෙනා සහ විවාදකයින් 12 දෙනා අතරට එක්විමට ද අවස්ථාව ලැබුණි.

2010 ජනාධිපතිවරණයේ පොදු අපේක්ෂක ජෙනරාල් සරත් ෆොන්සේකා මහතාගේ මැතිවරණ ව්‍යාපාරයේදී මැතිවරණ රැලි ඇමතීමට තෝරාගත් කථිකයෙකු සහ රූපවාහිනි සංවාද සඳහා සහභාගි වීමට තෝරාගත් එක් විවාද‍කයෙකු ලෙස කටයුතු කළේය.

2006 පළාත් පාලන මැතිවරණයේදී මාලිම්බඩ ප්‍රාදේශීය සභාව ජයග්‍රහණය කරමින් සමස්ත දකුණු පළාතින්ම එක්සත් ජාතික පක්ෂය ජයගත් එකම ප්‍රාදේශීය සභාව බවට පත් කිරීම.

මෑතකාලීන දේශපාලන ඉතිහාසයේ සිදුවූ දැවැන්තම පිල් මාරුව වූ 2007 වසරේ එ.ජා.ප. මන්ත්‍රීවරුන් 20 දෙනෙකු අමාත්‍යවරුන්‍ ලෙස පාලක පක්ෂයට එක්වූ අවස්ථාවේදී හා 2010 වර්ෂයේදී 18 වැනි ආණ්ඩුක්‍රම ව්‍යවස්ථාවට ඡන්දය දෙමින් තවත් එ.ජා.ප. මන්ත්‍රීවරු පිරිසක් රජයට සහාය දුන් පසුබිමක පවා, තම පක්ෂයේ ප්‍රතිපත්ති ආරක්ෂා කර ගනිමින් අචලව පක්ෂය හා රැඳී සිටීම හා සිය රුධිරයෙන් සහතිකයක් දෙමින් පක්ෂය ආරක්ෂා කරමින් කටයුතු කිරීම.

 
     
 

ජාත්‍යන්තර ජයග්‍රහණ ::..

 
 

2007 නොවැම්බර් 26 දින ඉන්දුනීසියාවේ ජාකර්තා නුවර පැවති ආසියානු තරුණ ලිබරල් ප්‍රජාතන්ත්‍රවාදීන්ගේ සංගමයේ (YLDA) වාර්ෂික මහා සම්මේලනයේදී එහි විධායක සභාවට තේරී පත්වීම.

2008 වසරේදී නැවතත් සමස්ත ආසියානු කලාපයෙන්ම වැඩිම ඡන්ද ප්‍රමාණය ලබාගනිමින් එම සංගමයේ උත්තරීතර විධායක සභාවට තේරී පත්වීම. එහිදී දකුණු ආසියානු කලාපය සදහා වූ ප්‍රධාන විධායක නිලධාරී ලෙස ද ඔහු තේරී පත්විය. මෙම මැතිවරණය පැවැත්වූයේ 2008 නොවැම්බර් 04 දින කාම්බෝජයේ සියෑම්රීප් නගරයේදීය.

 
     
 

විදේශ සංචාර ::..

 
 

ලිබරල් ප්‍රතිපත්ති, නිදහස් වෙළඳ ආර්ථිකය සහ නූතන ආර්ථික විද්‍යාව, ප්‍රජාතන්ත්‍රවාදය පිළිබඳ වැඩමුළුවක් සඳහා ජර්මනියේ ෆෙඩ්රික් නවුමාන් පදනමේ (FNSt), නායකත්වය සඳහා වූ ජාත්‍යන්තර ඇකඩමියෙන් 2000 වසරේදී ශිෂ්‍යත්වයක් හිමිවීම

දකුණු ආසියානු තරුණ ලිබරල්වාදීන්ගේ සංගමයේ (LYSA) විශේෂ විධායක සභා හමුවට 2006 මැයි 6 සිට 10 දක්ව නවදිල්ලියේදී සහභාගි වීම.

2006 මැයි 21 සිට 27 දක්වා පිලිපීනයේ පැවති “පළාත් පාලන පරිපාලනය සහ කළමනාකරණය” පිළිබඳ අධ්‍යයන චාරිකාව

2006 මැයි 08 සිට 31 දක්වා මැලේසියාවේ පැවති “මැලේසියාවේ පළාත් පාලන පරිපාලනය සහ කළමනාකරනය” පිළිබඳ අධ්‍යයන චාරිකාව

2006 ඔක්තෝබර් 13 සිට 16 දක්වා ශ්‍රී ලංකාවේ කළුතර පැවති “දකුණු ආසියාවේ ලිබරල්වාදය, තාරුණ්‍යය සහ ප්‍රජාතන්ත්‍රවාදය” පිළිබඳව දකුණු ආසියානු තරුණ ලිබරල්වාදීන්ගේ සංගමයේ (LYSA) ජාත්‍යන්තර වැඩමුළුව

ෆ්‍රෙඩ්රික් නියුමාන් පදනම (FNSt) විසින් 2006 අගෝස්තු 28 සිට 2006 සැප්තැම්බර් 06 දක්වා “උපාය මාර්ගික සැලසුම්කරණය සහ උපායමාර්ගික චින්තනය” පිළිබඳව ජර්මනියේ පැවැත්වූ පුහුණු වැඩසටහන

2006 ඔක්තෝබර් 28 සිට නොවැම්බර් 11 දක්වා ඇමෙරිකා එක්සත් ජනපද රාජ්‍ය දෙපාර්තමේන්තුව මගින් මෙහෙයවූ ජාත්‍යන්තර පුහුණු වැඩසටහනට සහභාගි වූ එකම ශ්‍රී ලාංකික නියෝජිතයා ඔහුයි. “ඇමෙරිකා එක්සත් ජනපදයේ ව්‍යවස්ථාදායක මැතිවරණ” තේමාව යටතේ පැවති මෙම වැඩමුළුවේ විවිධ වැඩසටහන් වොෂින්ටන් ඩී සී, පෙනිසිල්වේනියා, නිව් යෝර්ක්, මිනසෝටා හා ඇරිසෝනා යන නගර හා ප්‍රාන්තයන්හි පැවැත්වුණි.

ආසියානු තරුණ ලිබරල් ප්‍රජාතන්ත්‍රවාදීන්ගේ සංගමය (YLDA) සංවිධානය කළ 2007 ජනවාරි 17 සිට 20 දක්වා කොළඹදී පැවැත්වූ “අරමුදල් රැස් කිරීමේ කලාව” නම් පුහුණු වැඩසමුළුවට සහභාගි වීම.

2007 සැප්තැම්බර් 06 සිට 10 දක්වා ඉඳුරුවේ පැවති “ලිබරල්වාදයේ මූලික සංකල්ප, අවබෝධය සහ ළඟාවීම” පිළිබඳ දකුණු ආසියානු තරුණ ලිබරල්වාදීන්ගේ සංගමයේ (LYSA) ජාත්‍යන්තර වැඩමුළුවට සහභාගි වීම

ආසියානු තරුණ ලිබරල් ප්‍රජාතන්ත්‍රවාදීන්ගේ සංගමය (YLDA) , විසින් 2007 නොවැම්බර් 22 සිට 27 දක්වා ඉන්දුනීසියාවේ ජාකර්තා නුවර පැවැත්වූ “වගකිව යුතු සහ ඵලදායී රාජ්‍ය පාලනය සඳහා පුරවැසියන් සහභාගි කරවා ගැනීම” පිළිබඳ වැඩමුළුවට සහභාගි විය.

“වියට්නාම් ජනරජයේ ග්‍රාමීය කර්මාන්ත” පිළිබඳ හැදෑරීම සඳහා 2008 පෙබරවාරි 23 සිට මාර්තු 01 දක්වා වියට්නාමයේ අධ්‍යයන සංචාරයක නිරත වූ පළාත් සභා මන්ත්‍රී කණ්ඩායමේ සාමාජිකයෙකි.

“නගර සැලසුම්කරණය” පිළිබඳව අධ්‍යයනයක් සඳහා 2008 මාර්තු 02 සිට මාර්තු 04 දක්වා සිංගප්පූරුවේ සංචාරයක නිරත වූ පළාත් සභා මන්ත්‍රී කණ්ඩායමේ සාමාජිකයෙකි.

ආසියානු තරුණ ලිබරල් ප්‍රජාතන්ත්‍රවාදීන්ගේ සංගමය (YLDA) මගින් 2008 මැයි 28 සිට ජුනි 01 දක්වා තායිලන්තයේ බැංකොක් නුවර පැවැත්වූ “ප්‍රායෝගික සංනිවේදනය සහ ව්‍යාපෘති සාර්ථක බවට පත් කරගන්නේ කෙසේද - ප්‍රායෝගික හැඳින්වීමක්” පිළිබඳ පුහුණුවට සහභාගි වීම.

ආසියානු තරුණ ලිබරල් ප්‍රජාතන්ත්‍රවාදීන්ගේ සංගමය (YLDA) මගින් 2008 ඔක්තෝබර් 29 සිට කාම්බෝජයේ සියම් රීප් නගරයේ පැවැත්වූ “සාමය සහ මානව හිමිකම්” පිළිබඳ පුහුණු වැඩසටහනට සහභාගි වීම.

මැලේසියානු ජනතා පක්ෂයේ තරුණ සංගමය, ෆ්‍රෙඩ්රික් නවුමාන් පදනම (FNSt) හා එක්ව 2009 අප්‍රේල් 29 සිට මැයි 03 දක්වා මැලේසියාවේ ක්වාලාලාම්පූර්හිදී පැවැත්වූ “උපාය මාර්ගික සැලසුම්කරණය” පිළිබඳ වැඩමුළුවට සහභාගි විය.

ෆ්‍රෙඩ්රික් නවුමාන් පදනමේ (FNSt) සහයෝගය ඇතිව ආසියානු තරුණ ලිබරල් ප්‍රජාතන්ත්‍රවාදීන්ගේ සංගමය (YLDA) හා දකුණු ආසියානු තරුණ ලිබරල්වාදීන්ගේ සංගමය (LYSA) ඒකාබද්ධව 2009 නොවැම්බර් 04 සිට 09 දක්වා නේපාලයේ කත්මණ්ඩු නුවර පැවැත්වූ “ගෝලීයකරණය” පිළිබඳ වැඩමුළුවට සහභාගි විය.

   

ජාතික ක්‍රියාකාරකම් / පුහුණු වැඩමුළු ::..

ලිබරල් තරුණ සංසදයන්හි ජාතික සභාපති (2006 – 2008)

ෆෙඩ්රික් නවුමාන් පදනම (FNSt) යටතේ දකුණු පළාතේ ලිබරල් තරුණ සමාජ භාරව කටයුතු කරන ලදී. (2005 – 2010)

ෆ්‍රෙඩ්රික් ඊබට් පදනම (FES) හා ශ්‍රී ලංකා පදනම් ආයතනයේ (SLFI) මෙහෙයවීමෙන් ක්‍රියාත්මක වූ ප්‍රජාතන්ත්‍රවාදී තරුණ නායකත්ව වැඩසටහනේ පුහුණුකරුවෙකු (2005 – 2006) ලෙස කටයුතු කිරීම.

ෆ්‍රෙඩ්රික් ඊබට් පදනම (FES) හා ශ්‍රී ලංකා පදනම් ආයතනය (SLFI) එක්ව මෙහෙයවූ ප්‍රජාතාන්ත්‍රික තරුණ නායකත්ව වැඩසටහනේ පුහුණුකරුවන් පුහුණු කිරීමේ සහ ප්‍රජා අධ්‍යාපන වැඩමුළුවලට සහභාගි වීම. (2005 – 2006)

“Save Lanka Kids and Community Concern” ආයතනය විසින්, 2008 ඔක්තෝබර් 19 – 21 දක්වා කොළඹදී පවත්වන ලද HIV “REACH 2008” පුහුණු වැඩසටහන සඳහා සක්‍රිය දායකත්වය ලබා දී ඇත.

 
     
 

මාධ්‍ය අත්දැකීම් ::..

 
 

සහකාර ප්‍රවෘත්ති සම්බන්ධීකාරවරයෙකු ලෙස ටෙල්ෂාන් නෙට්වර්ක් ආයතනයට (TNL) සම්බන්ධ වූ අතර පසුව ප්‍රවෘත්ති සම්බන්ධීකාරක සහ නියෝජ්‍ය ප්‍රවෘත්ති සංස්කාරක බවට පත් විය. (1995 අගෝස්තු සිට 1997 අප්‍රේල්)

ටී. එන්. එල්. රූපවාහිනියේ “ජනහඬ” දේශපාලන කාලීන සිදුවීම් වැඩසටහන මෙහෙයවීම (1996 සැප්තැම්බර් සිට 1998 අප්‍රේල්)

සිරස රූපවාහිනියේ විධායක වැඩසටහන් නිෂ්පාදකවරයෙකු සහ වැඩසටහන් මෙහෙයවන්නෙකු ලෙස කටයුතු කිරීම (1998 ජුනි - 2004 අප්‍රේල්)

එම්.ටි.වී. චැනල් පුද්ගලික සමාගමට අයත් සිරස රූපවාහිනියේ වඩාත්ම ජනප්‍රිය දේශපාලන හා කාලීන සිදුවීම් වැඩසටහන වූ “සමීප දසුන” මෙහෙයවීම, ඉදිරිපත් කිරීම සහ නිෂ්පාදනය (1998 ජුනි - 2004 අප්‍රේල්)

සිරස රූපවාහිනිය ඔස්සේ සතිපතා ප්‍රචාරය වූ දේශපාලන හා කාලීන සිදුවීම් පිළිබඳ වැඩසටහන් වූ “විසම්මුතිය”, “ජනතා ප්‍රශ්න”, “සැබෑ විසඳුම්” වැඩසටහන් මෙහෙයවීම, ඉදිරිපත් කිරීම සහ නිෂ්පාදනය (1999 ඔක්තෝබර් - 2004 අප්‍රේල්)

වෘත්තිය පත්‍ර කලාවේදීන්ගේ සංගමයේ සාමාජිකයෙකි. (1996 සිට 2004 දක්වා)

ෆ්‍රෙඩ්රික් නවුමාන් (FNSt) පදනමේ අනුග්‍රහයෙන් ක්‍රියාත්මක වන ප්‍රජාතන්ත්‍රවාදය සහ නායකත්වය සඳහා වූ ආයතනයේ IDL මාධ්‍ය සම්බන්ධීකාරක (2005 – 2010) ලෙස කටයුතු කිරීම.

 

විශ්වවිද්‍යාල ජීවිතය ::..

කැළණිය විශ්ව විද්‍යාලයේ වෛද්‍ය පීඨයේ පෙර සීමාවාසික පුහුණු වෛද්‍යවරයෙකි. (1998 – 2003)

විද්‍යුත් මාධ්‍ය වැඩසටහන් ඉදිරිපත් කරන සරසවි ශිෂ්‍යයෙකු ලෙස මාධ්‍ය ක්ෂේත්‍රයට දැක්වූ දායකත්වය අගයමින් පේරාදෙණිය විශ්වවිද්‍යාලයේ සාහිත්‍ය සංගමය සහ අන්තර් විශ්ව විද්‍යාල ශිෂ්‍ය බල මණ්ඩලය මගින් සංවිධානය කරන ලද “මාගේ දේශය අවදි කරනු මැන” කලා උළෙලේදී “සරසවි ප්‍රඥාකුරයෙක්” ලෙස සම්මානයට පාත්‍ර විය. (1998)

 

 

පාසල් ජීවිතය ::..

මාතර රාහුල විද්‍යාලයේ ආදි සිසුවෙකි. (1980 – 1993)

රාහුල විද්‍යාලයෙ ජ්‍යෙෂ්ඨ විවාද කණ්ඩායමේ නායක (1991 – 1992)

රාහුල විද්‍යාලයේ ජ්‍යෙෂ්ඨ ශිෂ්‍ය නායක (1991 – 1993)

මාතර දිස්ත්‍රික් අන්තර් විද්‍යාලයීය ශිෂ්‍ය නායක සංගමයේ සහකාර ලේකම් (1990 – 1991)

සිංහල සාහිත්‍ය සංගමයේ සහ විද්‍යා සංගමයේ ලේකම් (1990 – 1993)

රාහුල විද්‍යාලය සහ මාතර මහා මන්තින්ද පිරිවෙන් විහාරස්ථ බැදිගම ශ්‍රී රතනපාල දහම්පාසල නියෝජනය කරමින් ජාතික මට්ටමේ සහ දිස්ත්‍රික් මට්ටමේ කථික තරඟ වලදී ජයග්‍රහණ රාශියක් හිමි කරගත් අතර රන්, රිදී පදක්කම් සහ කුසලාන රාශියක් දිනා තිබේ. (1989 – 1993)

අශෝක නිවාසයේ හොකී කණ්ඩායමේ සාමාජිකයෙකි. (1985 -1987)

අශෝක නිවාසයේ පැසිපන්දු කණ්ඩායමේ සාමාජිකයෙකි. (1987 – 1988)

 

 

ආගමික සේවා ::..

මාතර බිනර මහ පෙරහැරේ ප්‍රධාන බස්නායක නිලමේවරයා ලෙස 2007 වසරේ සිට මේ දක්වා කටයුතු කරයි.

17 හැවිරිදි වියේදී මාතර, මහා මන්තින්ද පිරිවෙන් විද්‍යායතනයේ බැදිගම ශ්‍රී රතනපාල දහම් පාසලේ විදුහල්පති ධූරයට පත්ව ශ්‍රී ලංකාවේ ලාබාලතම දහම් පාසල් ප්‍රධානාචාර්යවරයා (1991 – 1998) ලෙස වාර්තා තැබීය.

ජාතික සාරධර්ම අධ්‍යාපන පදනමේ ජාතික සංවිධායක (2000 සිට මේ දක්වා)

මාතර ප්‍රාදේශීය ශාසනාරක්ෂක බලමණ්ඩලයේ (1996 – 2000) දහම්පාසල් අනුකමිටු ලේකම්

මාතර දිස්ත්‍රික් දහම්පාසල් ගුරු සංවර්ධන ආයතනයේ අධ්‍යක්ෂ (1993 – 2003)

දකුණු පළාතේ දහම් පාසල් ගුරුවරුන් සඳහා පුහුණු වැඩසටහන් පැවැත්වීම (1993 සිට මේ දක්වා)

මාතර දිස්ත්‍රික් දහම් පාසැල් ශිෂ්‍ය නායකයින් සඳහා පුහුණු වැඩසටහන් පැවැත්වීම (1995 සිට මේ දක්වා)
මත්ද්‍රව්‍ය නිවාරණය පිළිබඳව දහම් පාසල් ගුරුවරුන් හා සිසුන් සඳහා වූ ව්‍යාපෘතිවල නියැළීම (1994 සිට මේ දක්වා)
   

බාලදක්ෂයෙකු ලෙස ::..

ශ්‍රී ලංකාවේ බාලදක්ෂයෙකුට දිනාගත හැකි ‍ඉහළම සම්මානය වන ජනාධිපති බාලදක්ෂ පදක්කම 17 හැවිරිදි වියේදී හිමි කර ගන්නා ලදී. (1991)

“3 වැනි මාතර රාහුල” බාලදක්ෂ කණ්ඩායමේ කාණ්ඩ ලේකම් (1990 – 1993)

ශ්‍රී ලංකා ජාතික බාලදක්ෂ මූලස්ථානයේ සහකාර මූලස්ථාන බාලදක්ෂ කොමසාරිස් ලෙස කටයුතු කරන ලදී. (2001 – 2004)

බාලදක්ෂ ව්‍යාපාරය වෙනුවෙන් ඔහු කළ සේවාව ඇගයීමක් ලෙස ශ්‍රී ලංකාවේ ප්‍රධාන බාලදක්ෂයා වූ ජනාධිපතිතුමා විසින් The Thanks Badge සම්මානය 2009 වසරේදී පිරිනමන ලදී.

 

 

රතු කුරුස සංවිධානයේ සමාජ සේවා ::..

මාතර දිස්ත්‍රික් කණිෂ්ඨ රතු කුරුස ව්‍යාපෘතිය ස්ථාපිත කිරීම සඳහා පුරෝගාමී වූ අතර 16 හැවිරිදි වියේදී එහි ප්‍රථම දිස්ත්‍රික් ලේකම් විය. (1990 – 1991)

යොවුන් රතු කුරුස සමාජ ගොඩ නගන ලද අවස්ථාවේදී මාතර දිස්ත්‍රික් යොවුන් රතු කුරුස සමාජයේ ප්‍රථම දිස්ත්‍රික් ලේකම් (1991 – 1992)

රාහුල විද්‍යාලයට කනිෂ්ඨ රතු කුරුස සමාජය හඳුන්වා දීමට මූලික වූ අතර විදුහලේ කණිෂ්ඨ රතු කුරුස සමාජයේ ප්‍රථම පාසල් ලේකම් විය. (1990 – 1991)
 

මුතුහර ළමා සමාජයේ ::..

ශ්‍රී ලංකා රූපවාහිනී සංස්ථාවේ මුතුහර ළමා සමාජ ව්‍යාපෘතියට අනුබද්ධ මුතුහර ළමා සමාජ මාතර නගර ශාඛාව පිහිටුවීමට මූලික වූ අතර 13 හැවිරිදි වියේදී එහි ආරම්භක සභාපති විය. (1987 – 1990)

මාතර මුතුහර ළමා සමාජයේ උපදේශක මණ්ඩලයේ සභාපති (1990 සිට මේ දක්වා)
   
සිදුකළ විශේෂ ව්‍යාපෘති ::..

මාතර දිස්ත්‍රික්කයේ ආර්ථික දුෂ්කරතා ඇති පාසල් සිසුන්ට උපකාර කිරීම සඳහා “ශිෂ්‍ය ප්‍රබෝධය” ව්‍යාපෘතිය ආරම්භ කරන ලදී. (1996 සිට මේ දක්වා)

තමා අධ්‍යාපනය ලැබූ පාසැල වු මාතර රාහුල විද්‍යාලයෙන් වෛද්‍ය පීඨ සඳහා ඇතුලත් වීමට සුදුසුකම් ලබන ආර්ථික අපහසුකම්වලින් පෙළෙන සිසුන් සඳහා වාර්ෂිකව ශිෂ්‍යත්ව ප්‍රදානය කිරීම.

 

 

හදාරන ලද විශේෂ පුහුණු පාඨමාලා ::..

දහම්පාසල් අධ්‍යාපනයට අදාළව ළමා මනෝවිද්‍යාව, අධ්‍යාපන දර්ශනය සහ නායකත්ව පුහුණු පාඨමාලාවක් හදාරන ලදී. (1990 – 1993)

කැපිටල් රේඩියෝ පුහුණු ආයතයෙන් (1989) සහ කුමාරසිංහ රේඩියෝ සහ ඉලෙක්ට්‍රොනික් පුහුණු ආයතනයෙන් (1990) රේඩියෝ ඉලෙක්ට්‍රොනික් විද්‍යාව පිළිබඳ පාඨමාලාවක් හදාරන ලදී.

සැබෑ බෞද්ධයෙකු වශයෙන් කටයුතු කරන අතරම කිතුණු දහම පිළිබඳ පාඨමාලාවක් සාර්ථකව හදාරා සහතිකපත් හිමි කර ගෙන ඇත. (1987 – 1988)

 

 

පවුල් පසුබිම ::..

1974 මාර්තු 17 වෙනිදා මාතර මහ රෝහලේ දී උපත ලැබීය. මාතර දිස්ත්‍රික්කයේ කඹුරුපිටිය ප්‍රාදේශීය ලේකම් කොට්ඨාශයේ තිහගොඩ සහ මාලිම්බොඩ යන කෘෂිකාර්මික ගම්මාන මුතුන් මිත්තන්ගේ මුල් ගම්බිම් විය.

පියාණන් වන එම්. එස්. ඩී. පතිරණ මහතා සිංහල මාධ්‍ය උපාධිධරයෙක් වන අතර ගුරුවරයෙකු, ජාතික අධ්‍යාපන ආයතනයේ සහ ගුරු විද්‍යාලවල ජ්‍යෙෂ්ඨ කථිකාචාර්යරවයෙකු සහ පසුව අධ්‍යාපන දෙපාර්තමේන්තුවේ නියෝජ්‍ය අධ්‍යාපන අධ්‍යක්ෂවරයෙකු ලෙස සේවය කොට විශ්‍රාම ගෙන තිබේ.

මෑණියන් වන ජේ. කේ. ගුණවර්ධන මහත්මිය, කීර්තිමත් කොතලාවල - ආටිගල පරම්පරාව නියෝජනය කරන අතර ගුරුවරියක හා ගුරු උපදේශකවරියක ලෙස කටයුතු කර මේ වන විට විශ්‍රාම ලබා සිටී.

එකම සොයුරිය රුහුණු විශ්ව විද්‍යාලයේ සහකාර පුස්තකාලයාධිපතිනියක් ලෙස සේවය කරන අතර ඇගේ ස්වාමිපුරුෂයා දේශීය ආදායම් දෙපාර්තමේන්තුවේ නිලධාරියෙකි.

බිරිඳ මිහිරි වර්ණකුලසූරිය මහත්මිය ඉතාලියේ ශ්‍රී ලංකා තානාපති ජනාධිපති නීතිඥ හේමන්ත වර්ණකුලසූරිය මහතාගේ දුවණියයි.

ශ්‍රී ලංකා‍වේ වත්මන් දේශපාලනයේ නියැලීම සඳහා අත්‍යවශ්‍යම සාධකයක් වී තිබෙන දේශපාලනික පවුල් පසුබිමක් හෝ ඉසුරුමත් හෝ ධනවත් පවුල් පසුබිමක් ඔහු සතු නොවේ.

 
     
   

මුල් පිටුව  |  පිය සටහන්  |  පින්තූර එකතුව  |  පොදු ජන සේවාව  |  ප්‍රවෘත්ති  |  අමතන්න

ප්‍රකාශන අයිතිය 2010 - බුද්ධික පතිරණ.  සියළු හිමිකම් ඇවිරිණි

Solution By : Jaya Shri Combine